Ipinasok ko sa Miriam College ang aking anak na si Julia dahil mahaba na ang track record ng eskwelahang ito pagdating sa academic excellence. Nalaman ko rin na matibay ang prinsipyo ng eskwelahan ukol sa kalikasan at karapatan ng kababaihan. Natutuwa rin ako dahil may tamang balanse ng spirituality at pagiging progresibo ang Miriam College. Malalim ang pagtuturo nito ng pananampalataya sa Panginoon pero hindi sa puntong masyado na itong konserbatibo. Progresibo ang mga pananaw ng Miriam College at laging sumusunod sa daloy ng panahon. Binibigyan din nito ng oportunidad ang aking anak na matuto hindi lamang sa loob ng classroom kundi maging sa mga komunidad sa loob at labas ng bansa. Ilang beses nang naipadala si Julia sa mga local at international seminars at competitions. Sa palagay ko, naging mas buo ang pagkatao at kaalaman ng aking anak dahil sa kanyang mga karanasan at natutunan sa Miriam.

Kara David
Magulang